بالحلم أتعبت الخدم والسلاطين=حققت في حلمي جميع أمنياتي
طقيتها عوجا وجتني على الدين=تعدّلت بالحلم كل ميَلاتي
همي وغمي والنكد والشياطين=طردتهن طرد البهم بالعصاتي
حتى سفوح القلب صارت بساتين=واصبح مكان الشوك ورد وزهاتي
طلبت منهم خوخ .. جابو معه تين=حتى العنب حطوه داخل لهاتي
كسبت مال وقدّروه بملايين=حبيت لي عذرا وقالت حياتي
طبع القساوه بالغضي انقلب لين=عقب الجفا بالحلم ياناس ياتي
الواقع اللي عشته شهور وسنين=ياليت كان احلام .. كانت غناتي