يا ساجع الورق تضحكنا وتبكينا=اما ابتعد او على الميلاف عاهدنا
يا ساجع الورق نشكي لك محبينا=ياما عليهم من الفرقا توجدنا
يا ساجع الورق يهملنا ويشقينا=طالت علينا الليالي ما يواعدنا
يا ساجع الورق لو طالت ليالينا=له بالضماير هوى بالحيل مجهدنا
له بالهوى مذهب ما هو بيرضينا=يا كيف نقبل عليه ولا يوردنا
له بالهوى بسمة فيها تغنينا=عذب القوافي ، واتعبنا قصايدنا
يامشغل القلب والتفكير ما فينا=الا هواك ، الذي بالقلب يرشدنا
ياما وياما مع الفرحة تخاوينا=نسرح ونمرح ودنيانا تهاودنا
ياما وياما تبادلنا شكاوينا=الود غاياتنا والولف مقصدنا
ايام كنا بها نحسب خطاوينا=ما نحسب ان الليالي يوم تبعدنا
نفرح بالايام والايام تطوينا=ما نعرف الحب واثر الحب صايدنا
ايامنا فرقت والشوق يكوينا=ياما تعبنا نطاردها وتطردنا
لا ما نسينا الهوا لا ما تناسينا=اسنين مرت ولا مرة تشاهدنا
يا علة بالضماير حرها شينا=تشوي وتكوي وتجرحنا وتجردنا
يناعس الطرف اتعبنا قوافينا=ياما بنينا بيوت من قصايدنا
متى متى يا وليف الروح تاتينا=والا خلاص الهوا هدم معابدنا
ياموجع القلب يامخلف هقاوينا=متى الليالي بكم يازين تسعدنا