معذور ياللي تذرف الدمع معذور=يحق لك تبكي صباح وعشيه
ذي حالة الدنيا وذا طابع الجور=مغروس في بعض النفوس الرديه
لوكان لي حيله اعاونك بالفور=يفداك راسي والخوي لخويه
لكن هي الاقدار لو كنت مقهور=يرضابه المومن بنفسن رضيه
مافيه انسانن على الدوم مسرور=ياكثر من يضحك وبالروح كيه
حنا نكن اللي نكنه من دهور=والروح من همه تزايد دويه
والعبره اللي تنفجر داخل صدور=يسطي وجعها ماشكت للبريه
هي عزةن فينا سطع ضوها نور=نورن شموعه روحنا له ضحيه
ياصاحبي زف العباير من الزور=عطني همومك والخوي لخويه