منتدى حايلنا - عرض مشاركة واحدة

27-02-2012, 02:46 PM

هلا ياسر

موضوعك يمكن نقراه دايم لكنك جبته بصيغه أجمل
وأنا هالموضوع دايم افكر فيه وأستنتجت من الفتره اللي قضيته بالنت
انه يطابق الواقع لحد ما ,,
اول شي لازم نعرف هالشخص اللي يستخدم النت وش اهدافه اول ماتعرف الهدف
دايركت راح نعرف توجهه ومطالبه ,,
فيه ناس الفراغ اوجدهم والعقد النفسيه لعبت فيهم لعب لدرجه انهم يزرعون لهم مكانه مو موجوده
الا في مخيلتهم فقط ويعيشون هالحاله المرضيه بكل رضا ,,
وفيه ناس متواجده لسبب وزي مانقول اذا وجد السبب بطل العجب (يعني مهنا خوف)
عندك مثل شخص يكتب او يصمم او عندك شخص يحب العلاقات وتربطه بناس
صله نظيفه طاهره يكون تواجده بسيط لكنه انسان طبيعي يحب يتواصل ,,
وحقيقه ي ياسر اغلب اللي يتواجدون من اجل التلاعب او من اجل وضع صوره ملائكيه
زي ماقلت وانا اختلف معاك لان اكثر مكان يكشف لك توجهات العالم هو النت
لانه يظهر الانفعالات والافكار وكل حاجه ,,
انا من الناس اللي تقرا الناس ب الواقع زين بدون ما اقولك بنات او شباب
وبنفس الوقت حتى النت اقراهم وما ابالغ اذا قلت لك افكارهم ظاهره لي مثل ما افكاري
ظاهره لهم ,,
الفهم الغلط موجود مافي شك وكلن له تفكيره وظنه ب الناس ,,
ما نبي ننكر اهميه النت في حياتنا خصوصآ اننا مجتمع ما ابي اقول منغلق (الا منكتم و يجيب الجلطه)
بتكلم عني انا كـ بنت ب البدايه كنت ادور على مكان أكتب فيه وكنت أجهل فكره المنتديات حيل
وحتى أجهل كيفيه التعامل مع الكثير كان تركيزي ب الكتابه والشعر وبعد فتره اكتشفت ان اللي
راح يكتب لازم يكون له ناس تقرى والتواصل مطلوب بكل ادب وبكل اخوه ,,
واذا تبي نجي عند نقطه الصداقات (هذي عاد ي ياسر لو نموت ما راح تكون مفهومه او حتى مقبوله في مجتمعنا)
حنا البنات ماعندنا اللي عندكم من فزعه وخوتكم لبعض صح لا علاقه البنات ببعض فيها من السخف
والتفاهه مالا تتخيله قليل حقيقه اللي اقنعني انهن خوات وكفو واحترمهن واشكرهن دايم ع وقفتهن
وقليل ما انسجم للاسف ودي لكن جتني على غير ودي ههه

صار لي بالمنتدى وغيره ناس تقرالي واغلبهم شباب ويتوواصلون معي بشكل راقي
في منهم اعدهم اخوان (وجسرانه عليهم ) وفي منهم لهم مكانتهم الخاصه ويهمني رايهم
محد يبي يغلط او يظهر بمظهر مشين لكن دايمآ نظرتنا للبعض غلط وفيها انتقاص
لعلاقه المراءه برجل (مثلك عارف)
اما المصداقيه ولا ابالغ لو اقولك ان كم المصداقيه بالنت اكثر من الواقع
انا ودي الوعي يزيد عندنا (حنا شغلتنا ننتقد ) ونشوف ان اختلاط فكر المراءه مع الرجل عيب
وانا اشوفه لا والله مو عيب العيب نعرفه والغلط واضح لو بس ننظف بعض افكارنا
ونشيل الشوائب اللي زرعوها اهلنا بنا كان تواصل (المراءه والرجل بمجتمعنا اكثر رقي)
اذا ب الواقع ماهم فاهمين بعض اجل كيف ب النت ؟؟؟

نعم اثق بعلاقه اكترونيه لان ب الاخير الي ورى الاب كائن حي من لحم ودم
والايام كفيله تظهر لك فكره

واسفه ردي طويل ماعرف اختصر وموضوعك خطير ومشغلني ترا
ويعطيك الف عافيه احسك تقول الله لايعيده من موضوع وش تبي هذي هههههههههههههههههه

نقرتين لعرض الصورة في صفحة مستقلة