ياقلب انا اللي في زماني تغربت=حاضر جسد والروح يم المقفين
همت بحنيني والزمن عفته وسبت=رحله مع الوجدان لعيون غالين
تجهدني الذكرى ويحرقني الكبت=واقول ياربي تعين المحبين
ياقلبي المغرم أما قلتلي تبت=اما تقول ان الهوى للمجانين
ياقلبي اخبرني من الحب وش جبت=الا طعونن طبها كيف ومنين
تكفا يقلبي لاتعذر ليا طبت=ادفن شعورك واحكم السمع بالطين
والعين اذا شافت اصده ولاهبت=اجبر نظرها مايناظر هل الزين
ياقلبي المترف تراني تعذبت=اسرفت في حبك وانا مكسبي بين