اذا غيابـي سـرّ عشتـه بدنيـاك=تقدر تقول المعجزه هـي ظهـوري
بكون صادق ارحل اليوم ما ابغـاك=صعبه ازيّـف بالمحبـه شعـوري
عندي جرآءه انهي الحـب ويّـاك=وقاعد ارتب مع خفوقـي أمـوري
حطمـت قلبـي حطـم الله دنيـاك=عساك تلعب بالهـوى نفـس دوري
محد يسوي فـي حبيبـه سوايـاك=كم قلت لك حاسب ولا طعت شوري
اهملت قلباً للأسـف كـان يهـواك=واصبح رحيلك عند قلبي ضروري
مليت حباً كلـه اشـواك باشـواك=ودي بدنيـا كلهـا ورد جــوري
كنت احسبك مهما قسى الوقت القاك=زي الفراشة تحترق عنـد نـوري
لكن خسارة ما بقى غيـر ذكـراك=ذكرى اليمـه ترجمتهـا سطـوري
قد الغياب اللي بلا عذر ب انسـاك=وفرقاك عندي من دواعي سروري
يارب تعجبكم