منتدى حايلنا - عرض مشاركة واحدة

15-04-2011, 12:17 AM

يقول مظفر النوّاب : ،
هذه القصائد لم تكتب لمناسبة , كتبت لدهر ٍ من الحزن والتحدي..
لاخوف ان يطول مادمنا ننبض والأفضلون يحملون السلاح!

أصبح وهي بين الظما والمواعيد
.............. وامسي وانا قد طاح حظي وحيلي

واللـه.. لو مالي معاهم ( فم ) و ( إيد )
.............. لـ امووووت ياعبدالجليل الرحيلي

الحياة اغصان.. شف عاد انت كم لك غصنٍ اخضر
لو بقا بك شي من عمر وحكايات الطفوله
.
وجهك الليله يقربني من الانسـان اكثر
حزنك الليله يحدثني عن الدمع وفصوله
.
لو سكتّ ومارضيت تبوح عن مابك وتجهر
ريحة الذكرى تفوووح بكل ماودي تقوله
.
اذكرك والوقت مثل الحلم واجمل منْه وابهر
تركض بعمرك هنا وهناااااك ماتخشى ذبوله
.
واذكرك بالطيش تسبقني وتتمادى وتفخر
وانت في بالك تعلمني مفاهيم الرجوله !
.
واذكرك واوراقنا ماقد غزاها اللون الاصفر
تكتب وتشطب حروف الحب واحلامك خجوله
.
واذكرك والحاره ام الناس لمّا تنام .. تسهر
كان للاسرار في صوتك دفااا له كنت اولـه
.
واذكرك ومغازَل البيبان ..ماتقدر وتقدر
في حياك وفي جنونك شي انا مـ اقدر اطوله
.
واذكرك نادمتني ليلة قصيد وكنت الاشعر
ليلةٍ مرّت سنين اعمارنـا فيها عجوله !
.
واذكرك والذكريات اغلى هدايا العمر واطهر
كم تركت بقلبي الدنيا من الحب امغسوله !
.
السنين اتشيب والايام تركض وانت تصغر !
كنك اللي ماعرف يكبر وخان الكلّ حوله
.
منْك روحي لو لمست اطرافها بالشعر وامطر ..
طاح منها كل ماودي وماودك نقـوله
.
ذكرياتك (عُمْر) كم فيها حيااااة وطفلٍ اسمر !
كل ماغمضت في قلبي عليها .. صوتوا له
.
والحياة اغصان شف كم لك وكم لي غصنٍ اخضر
لو بقت فـ ارواحنا (ضحكه) من ايام الطفوله

مثلي مثل غيري قريت
كان الخبر : موتي !
نسيت مدري مانسيت
ياصمتي ياصوتي ..
.

يفيض البحر ويغرّق الناس يافواز
ويفنى الكلام وصاحبه يسدل استاره
.
مثل كل مرّه .. يرجع الخايب ولافاز
خليّ اليدين وتتبعـه خيبة اسفـاره
.
مثل كل مرّه .. ياسلامي على اهل الغاز
كثر مارصيدي يشتكي وحشة اصفاره !
.
مثل كل مرّه .. لاتغنّي ولا تعتـاز
ابونا كريم وعنْ كرمْه اسألوا جاره !!
.
مثل كل مرّه .. لوّنوا بالكلام انجاز !
وخذ كم سمعنا عن مشاريع ثرثـاره !!!
.
ألا ياصديقي ليت لي فـ الحجاز .. حجاز
تعبنا نسافر .. والسفر تعرف اسراره
.
عزاز انخلقناْ ولين مـ احنا نموت اعزاز
سلامي عليك .. ورحمة الله على الحاره
.
صدور الجرايد تختنق والخبر بـ ايجاز ..
كأنه يدق براسي الصلب مسماره
.
كسور الخواطر سيدي ماتبي عكاز
تبي من يجدد للأمل ضحكة ازهاره !
.
يشيب الزمان .. وياسلامي على اهل الغاز
وانا اقصى طموحي .. بيت ملكٍ وسياره !!

يتبعْ~