- مدخل :
الليلة شفت إن التعب وردي
ــــــ مدري ! ولكن صدق أنا شفته
والصدق .. شفت إنه عدد فردي
ــــــ والكذب "ريحة عطرها" : عفته
.
.
ياصيفها : طيفك قتل بردي
ــــــ والطيف لولا البرد .. ماخفته !
- مدخل خَفِي :
فاقدك لي ليلتين
أقصد إني فاقدٍ صَمتك وصَمتي
والحقيقة
خايف إني في الكلاااااااام آصير صْمتك!
وإنك إنتي عن تعبّدكي بذاك الليل صْمتي!
-1-
عقرب الساعة عشق ثنتين
وكنـّـا بالجلسة اثنين
يوم قرّب للثلاثة ..
صار بالجلسة معي يمكن ثلاثة !
ياحليل الهمّ .. وافي
مثل طيفك مانساني .. دايم ينوّر مكاني
ومايقاطعني أبد !
بس لا جيت أتكلّم .. قال :
"إسكت ياولد"
وأبتسم وأسكت لأنه صار لي بحساب عمّ !
ياحليل الهمّ !
-2-
بصراحة ..
حالتي صارت مُملّة
كل ماجيت أتكلّم قال : "بس"!
وأنا سااااكت
والسكوت : نصف برد .. وكُل موت !
قلت له ( لأنّي أخاف الموت ) :
"يآآخي حس .. خلني آخذ نفس
مابقى فيني كلامٍ تخنقه
مابقى فيني سِوا شهقة وليل !
ليل ودّي أعتقه !
... وووووووو بس !
يعني حس .. وخلني آخذ نفس "!
إلتفت يمّي وقال :
"بس .. إسكت ياولد"!
-3-
(مَـرّ هذا الحال مُـرّ)
طيفها جالس قبالي ..وأنا حالي ماهو (حالي) !
قلت أبسأل طيفها عنها وأقول :
"كيف حالي"!
يووووهـ أثر الحال مُـرّ
عيني تكتب بي قصيد .. وفمّي أضناهـ السهر !
والمشاعر .. ألم..شاعر .. يشتكي ضيم الفقر !
(مُـرّ هذا الحال مَـرّ)
-4-
كيف ألمحك ياطيفها .. كيف ألمحك .؟!
والمسافة : جرح .. وعيوني : كفيفة !
وحالتي .. على المحك !
كيف ألمحك .؟!
-5-
و
بيني وبين الجرح .. ثمّة مسافة !
وبيني وبيني : "آآهــ" أو "ياحسافة"
عيوني شبعانة ظنون .. والفكر طاااح بهون !
وأفكاري منشطره إلى شعبين :
"شعب قلب .. وشعب عين"
شعب ودّهـ يلتهم هالطيف .. ويتناسى الدين
وشعب ماودّهـ .. ولكنّه بدون إيدين !
-6-
ياليل .. قل : "ياعين
غضّي البصر .. ماني بناقص شر"
طاح الخصر .. والخد لي أشر
عيني تصر .. وقلبي مكشر
ياليل .. قل " ياعين
توبي عن أفكارك .. لا تبرحي دارك
لا تكسرين القلب .. بفعلة صغارك !"
وياليل .. قل : "ياعين"
ياليل .. همّي عيــن !
- مخرج :
النور نايم .. ياسلمى لا تصحينه
ــــــ والحظ قايم .. فقط من شان يتوفّى !
- كذب خارج السرب :
صح أنا فاشل / غبي
لكنـّي "حيّ"!
على الأقل عندي طموح
وأفكار مُستقبل كبااار ...
أحيان أحس إني
طبيب
وأحيان أحس إني
حبيب
مراات أطير
بهالسماء
ومراات أطيّر
هالدماء
ومرات أحس إني عما
إذا شعرت بيأس
لكن إذا شفتك
أنسى زمانٍ نحس
وأحس بإحساسٍ ذكي
وأبادل أفكاري الحكي
وأسكنكِ في ليلي .. فرح
يرسم على بالي حياة
وووووملح مايوم .. انجرح
عجزت لا ألاقي "دواه"!
... "وقال : بس
يعني بس"!
" طلآل بجآد "