كانك تجيد الغدر انا ما اجيده=ماني مثل شرواك يوم لعبوبه
خلك مع اللي يرسمون المكيده=خلك مع التيار واللي جروبه
ياباذخ الأوصاف خذها اكيده=حسنٍ بلا معنى يموت بغروبه
مثلك حرام ان المشاعر تريده=توبه يقلبي الف نوبه ونوبه
مات الغلا في مولد اخر قصيده=مات السجين اللي تعذر هروبه
مات انتحاراً في نهايه مجيده=مات الذي ينبض بروحي عذوبه
مات اندثاراً في حياةٍ جديده=مات اضطهاداً من طعونٍ عثوبه
اكبر فخر في عالمك ياعنيده=انك سكنتي من خفوقي جنوبه
واسعد خبر في عالمك يابليده=لو قلت انا مشتاق رغم الصعوبه
كوني بمعنى صورةٍ في جريده=ماني براضيها وغيري رضوبه
لحظه ترى ماقلته ارجع واعيده=ماني مثل شرواك يوم لعبوبه