لا انكسر رمح الهقـاوي في يمين الهاقي=تصغر الفزعه .. وتكبـر شرهته لاصحابه
لا التفت للي مضــا له .. وإلتفت للبـاقي=ما يشوف إلا نصيبه .. لو جهل بأسبابه
والظما لو ما حدا الظامي لكف الساقي=كان ما صبـّـح صباح .. ومات في مشعابه
ويا علي لو شوف عينك ينتهي بأعماقي=تدري إنك في خفوقي : راجح ٍ باحبابه
ويا علي لو طار طيرك وإنفلت مسباقي=كان ما عـوّد .. وصدر الخرب في مخلابه
ويا علي فيك الحنايا سولفن لاحداقي=وما تهوجس به عيوني منك .. قلبي جابه
أدري إنـك فـي بحورك ناوي ٍ بإغراقي=ياكريم ٍ .. مرخي ٍ سمعه لطقة بابه
بالوفا ، والمقدريه ، وسامي الأخلاقي=مالك اقلوب الرجال .. بحضرته واغيابه
أحمد اللي قد رزقني بك ، وأنا بارزاقي=جاهل ٍ .. وإلا انت رزق ٍ ما جهلت اسبابه