كنت احبك

الوضع عادي جدا الوضع عادي=لاتحسبيني يوم شفتك تفلسفت
كم كنت احبك والمشاعر تنادي=ياما عشانك بالمشاعر تكلفت
جبت البوادي والركايب ودادي=حملي غرامٍ في جنونه تلحفت
صحيح كنتي ساكنه في فؤادي=هذاك اول لكن اليوم انا عفت
يابنت انا متعلمٍ في مهادي=ان الخطا لاصار مني تأسفت
واصدق فعولي لا لفاني وكادي=ابيع من باع المحبه ولاخفت
هذي قدم رجلي تحقق مرادي=ادوس فيها كل جاحد ولا رفت
هذا انا واليوم لا للتمادي=انا على القمه عن الخاينه نفت
الوضع عادي جدا الوضع عادي=وانتي يقولون العرب حالتك زفت

وسلامة من تااابع
بوح وجداني