الكبر لله

الكبر لله

ابتدى بالقاف شاعر يكتب اشياء ٍ تصير=والقوافي ..لاكتبها لازم انه تذكرا
اما تذكر بالجزاله ..والا ماني به جدير=لكن الميدان يشهد منهو اللي اجدرا
كلنا اولاد تسعه ..والشعر ماهو عسير=قلته وغيري يقوله ..والفعل فيه افخرا
ياضرير ان كان بعيونك ترى ..منتا بصير=البصير !!اللي بعقله مبصر ٍ لو مايرا
لاتغرك طولت ايامك ..ترى عمرك قصير=لاتغرك صحتك والجاه ..وبيع ومشترا
مايفيدك والديك ولا ولد واخ وعشير=بالنهايه !!مايفيدك عذر ولاتلقى ذرا
لاملاذ ..الا بوجه اللي يجير المستجير=جل شانه ..عالم ٍ ماكان ويعلم ماطرا
خالق الاكوان والانسان ..جبار الكسير=منزل القران للهادي بوحيه في حرا
منشي السحب الثقالا ..آمر القطر الغزير=ساتر الصحرى بعشب ٍ ..عقب ماكانت عرا
مرسي الاوتاد ..مجري بينه انهار ٍ تحير=في بحور ٍ مظلمه ..يعلم بها رب البرا
كافل ارزاق البرايا ..والطيور اللي تطير=كاتب آجال الخلايق ..كل شي مقدرا
اعلم اعلم ..ايه اعلم ان لله المصير=تنقص ايامك ..ويزداد الرصيد ابماجرا
الزياده من فعولك .. شر يكتب والا خير=والصحايف عند رب الكون ..لازم تنشرا
الكبر لله .. وغيره صاغر ٍ لوهو كبير=(من ثرا مخلوق يا ادم والنهايه للثرا)
(احترم ذاتك)(وغيرك قدره)(وارحم صغير)=بالثلاثه ..كل خلق الله يصيرون عشرا
هو سؤال ٍ في ضميري ..للغني وللفقير=للكبير وللصغير ..ومن لقيفاني قرا
وش تكون؟ ومن تكون؟ وهل ترى غيرك حقير؟=والا ميزانك حيادي .. للعدل ماينكرا
هل ترفـّع عن حقير ؟ وهل تواضع يا امير؟=والا ماشي بين خلق الله ولاحي ٍ ترا
ناصح ٍ في مبتداي ولا لزم شيل الطرير=يثبت الفارس ..وغيره خطوته ترجع ورا
يستظل الذل جاهل ..ويتغطى بالحصير=يدري انه لو تكسّر ..مالقى من يجبرا
انكتب قافي على طبع الكبر وانا نذير=من درى يدري..وانا قاصد سقيم ٍ مادرا

وسلامة من تااابع
بوح وجداني