يانوووم لا تبطي ..

يانوم لاتبطي

-------------------

يانوم لا تبطي علي ماتجيني=ليتك تسيّر تدخل العين يانوم
يانوم من مده تقل ماتبيني=هو معجبك حالي تقل حال محروم
كثر السهر أثر علي ياعويني=جسمي تعب والقلب والراس مهموم
ان زرتنا يانوم نذبح سميني=ندعي عليه من العرب و اكثر القوم
واصب لك فنجال مر بيميني=هذا مع الترحيب واثنيه بعلوم
حيثك فهيم وما تبوح الدفيني=سري كبيرٍ وان فضحناه بحلوم
واذا سريت ورحت ربي يعيني=عقبك شربت من القهر كاس مسموم
من عقبهم يانوم كني سجيني=بين اربع الجدران والباب مردوم
وان بعتني يانوم او تشتريني=سلعه ثمينه تنطر الحد والسوم

-------------

وسلامتكم