سَنابِل آدبيةةْ !

^
منور يا لبى = )

عشان كذا انا ما ابي اتطرق للقائل ..
و عندي المعلومات اللي اظن و ارجحه انه صحيحة !
و كان بعلمي ايضاً انه غناه راشد بس تمنيت انه ما غناه
بس حامد زيد ما سمعته يوم يلقيه و ابشر باللي يسمعه

- نرجع للقائل :

انا مثل ما قلت ما ابي اتطرق له لانه منسوبة لشرعان ابن رمال !
و شرعان ما هو بحاجة هالقصيدة تضاف لديوانه وما هو بحاجة هالربا الشعري
لان شرعان شاعر كبير بس المتوارد عن الشباب انه لشرعان و انا ما الومهم بهالشيء
بس الوم المصدر اللي سرق شيء لا هو اللي اغناه و لا هو اللي اغنى المنسوب اليه
و كذلك نسبة لاشخاص من قبيلة بلي و قبيلة يام تم تغيير بعض المسميات
عشان تتوافق و ما يكون فيه تناقض !
اللي حنا نسمع من مجالسنا و اللي يتداول عند الشيبان هو انه ماهي لشرعان ابن رمال
هي ل علي الاطرق السويدي و بنت عمه خذت علي اذن الذيب الغيثي
و اللي ياكد ذلك القصيدة يوم جاه و هي بذمته و مراده انه يستلطفه كان معه مرعي الطوعاني
يوم كلو من مشاقة التمر راعت لهم وكبت الحطب و قصد مرعي بمضمون القصيدة و ماهو نصياً :

يا علي في بطنها ذيب و في ظهرها ذيب حالوا كل الدغيرات دونه

ماهي كذا بالضبط و العتب على الذاكرة = )
السالفة طويلة عريضه ما ابي ادخل بالتفاصيل بس لا جت للذمة و الحق ماهي لشرعان ابن رمال
ما بغيت اقوله مو عشان اني ماني متاكد بس ما ابي اسوي شوشرة بالموضوع و نخرج عن نطاقه
مثل ما اسلفت حنا نبحث عن النصوص و ما نبحث عن الاشخاص بعينهم

و الله اعلم