رسالة

من القصائد القديمة

من حاير قلبة تزايد هباله=يشكي كثير الهم من كثر ما شال
على الهوا يرسل عليكم رساله=يخبر بها حاله على كل الاحوال
البارحة طيب الكرى ما طرا له=عينه تعاف النوم والدمع همال
على الخدود تهل كنه خياله=من مزنة غرا تقلب وتحتال
ثم ابرقت تم ارعدت واستشا له=سالت جميع الارض ضلعان وسهال
وا قلبي اللي كل هم عنا له=يدق به والقلب صابر وحمال
يسهر بطول الليل ما احد درى له=يندب وليف صار فقده له اهبال
بانت فجوج الصبح ماهو بداله=يذكر ليال ماضيات بشوال
كني على نار يزيد اشتعاله=او كن قلبي فيه تسعين دلال
ياونتي ونت مريض العطاله=فضت يدينه ولا تشبث بالاشغال
من الجوع خمس ما تعشو عياله=يدعي عسى الله مايخسرة بعيال
او ونة الفلاح راع الحياله=يوم اثمرت واشفا صفا البير وانحال
ونيتها يوم الغضي راح داله=ودموع عيني صارت الوان واشكال
على وليف تل قلبي وشاله=اقفابه المجمول ما يرحم الحال
ما يرحم اللي به تبين هباله=هبال الياجا الزين يبرا وينجال
خل خليل في هواه العداله=غض غضيض ياسر القلب باغلال
ما ضنتي بالبيض مثله دلاله=عندي وكل له مع الناس دلال
دلال يصخر له بحسن الدلاله=والا الهوى من لاش ياقف على جال
يا زين يامزيون الطف يحاله=حال الذي قلبه عن الحب ما مال
ياهيه يا مكثر لقلبي عذاله=تر المولع ماتسمع لعذال
يالايمي خل المعنى بضلاله=ما يسمع اللوام ياطيب الفال
قلبي على حب الحبيب صفا له=نزل ولا هو عن هوا الزين رحال
يبغي السعد من عقب ماكد جرى له=شي يهول العقل والروح والحال
واختامها لله الشكر والثنا له=الواحد القهار في كل الاعمال
وصلو على المختار راع الرساله=محمد المبعوث في كل الاجيال

وســــــلامتكم