منشنتني جادلٍ فيها عذوبه

24-04-2016, 08:44 AM

كلمتين

منشنتني جادلٍ فيها عذوبه=ارسلت صوره عليها كلمتين
كلمةٍ تفتح على قلبي ذنوبه=وكلمةٍ تفتن قلوب العابدين
صورةٍ فيها العجب ما قال توبه=تعطف اللي للهوى قلبه يلين
امتزج فيها الهوى يسبق هبوبه=والمعاني في ثناياها تبين
البحر والشمس في حزت غروبه=اعلنت لليوم ليل العاشقين
ومركبٍ مقفي وركابه غدوبه=جدّفو وسط البحر متوجهين
وشخص واقف ينظر امواجٍ لعوبه=مشهد الساحل يسر الناظرين
والسما صافي ولا شيٍ بشوبه=غير طيرٍ بالسما شكله حزين
والغمامه عن يسار الطير صوبه=للفرح في جوفها عشق السنين
والعصير اللي صبغ باللون كوبه=منتثر والكوب مكسور الجبين
فوق فرشة والرمال اخفت هدوبه=طرزوها من زهور الياسمين
وشخبطت في زاويتها كم نوبه=وقلب مطعون بسهامٍ .. من يمين
صورةٍ فيها احتراقٍ من جنوبه=كنها تحكي قلوب المرسلين