سجـل حــظورك بـبيــت شعــري ..

ربي من العسرات ينجي دخيله
سبحانه الوالي على كل والي

الرابح اللي يجتهد في سبيله
ومن الردا شايم وحالف وسالي

بغيت اصارحها ولكن تخوفت
اخاف تجي ردات فعله قويه

كم مرةٍ حاولت لا شك ما افلحت
ابنطق الكلمه وتصعب عليه

لامن بغيت اقول احبك تراجعت
تغص في حلقي وترجع عليه

اخاف ماعنده مثل ما توقعت
وأخسر سموي في عيون اجوديه

ي ظلآم الليل ،، وآطراف المدينة /
يآ هدوء الجو ، وعيون الوشآيآ

كل شخصٍ ، عآش له قصة حزينة
ب آختلآف الجرح ، لو نفس النوايا

بعض العرب تفقده لاراح برهه
وبعض العرب ياخذ له سنين مافقد

ولولا الغلا والقرب ماقيل شرهه
مثل النحر لولاه ماصمم الـعقد

المحترم حرم على الناس كرهه
مثل القصيد اللي كسر حاجز الـنقد

يا رب ... عطفك ولطفك لا كبر ذنبي
ويا رب ثبت خطاي وزلة أقدامي !

ويا رب ... زدني من الإيمان في قلبي
ونوّر طريقي برضاك وباقي أيامي !

كل جمعه..احس الغيم يندهلي
وارتوي لآخر الأسبوع قبل اظما

افتح "الكهف" واقراها على مهلي
كهف من نور ماهو كهف من ظلما!

الانسان دمعة عين ودمعة عين
من يــوم ميلاده الى حـتفــه

من قبل لاتبكي مع الباكين
اختار من تبكي على كتفه

وماكـل رمش ٍ يغلبك لأنـتخى جيشه
ولا كل زين ٍ تعلا ياصل إعجابي

أحد ٍ كفو ينعنا له لو ورى بـيشه
وأحد ٍ تثاقلت أجيه وهو ورى بابي

بين تأكيدي و مابين إحتمالي
أكتشفت ، أشياء مابي أكتشفها

الامور اللي تنقص قدر غالي
والله إن ودي آموت .. ولا اعرفها !

وقتي اللي قلت بيزين عيا لايزين
والفكر محتار والهم صدري محتويه