اقدم لك عزائي مع وداعي

اقدم لك عزائي مع وداعي

عرفت ان الحكايه كذب .. وصدقتك عشان ارتاح=الا يامبركه ساعه .. ليارحتي بلا رجعه
بذرت الحب في قلبك .. وقلبي لك هو الفلاح=سقيتك من وريدي .. والندى من مهجتي نبعه
انا من قلّم احزانك .. وخلا سمها ينزاح=انا من عطّر ازهارك .. بريح الطيب من طبعه
انا .. لاقلت لك اني انا من عيشك بأفراح=فما قلته ابستعطف ضمير ٍ يجحد .. بسرعه
انا قلته .. عشاني واثق ٍ من رجعت اللي راح=بمعنى اوضح .. اقصد لاتجيني ذارف الدمعه
خفوقي لاعطى يكرم .. ولايشقى بحب ٍ طاح=ومن جازاني بالنكره .. يذوق من الندم صفعه
لعلمك ياخذول الحب .. ابرسل لك ثلاث رماح=لقيته في ظهر حب ٍ .. نزف من خاينة شرعه
على فكره .. انا شاهد على موته وشفت جراح=وبالتحديد شفته ميت ٍ .. آخر شهر سبعه
اقدم لك عزائي مع وداعي .. في لحن ذباح=وابارك لي على الفرقا .. واطفي بالدمع شمعه

وسلامة من تااابع
بوح وجداني