محطات الندامه

محطات الندامه

البشر فيها بشر طيب وياكثر الردي=والهقاوي في عمومه ماتمايل للردا
نحسن الظن اعتقادن والمواقف تشهدي=والذي خالف ظنون المرجله ماله جدا
هذا عن هذا ترفع في فعولن تفردي=بالنهايه باقين هذا وهذا قد غدا
ليت هذا بالنصيحه لانصحته يهتدي=البلا مايفتهم هذا ولايسمع ندا
والله اني اعتذرله عن خطاه واسردي=كل عذرن لكن اتعابي معه ضاعت سدا
قلت له شف للقمر ياكم يضيع ويغدي=ثم يعاود في طريقن راسمه رب الهدا
لكن الماشي على درب العواجه يرقدي=حتى يصحي في محطات الندامه مفردا
لو ينادي بالبشر كله تصد وتبعدي=مايلاقي غير صوته لارجع له بالصدا
لو يبي ينقض فعوله من جديد ويبتدي=مايطيعنه سنينه كل شين له مدا
العمر فاني ويبقى للفتى ما اوجدي=من علومن طيبه والا رديه تسردا
الزمن ارض الطرايد والبشر فيه تعدي=فيه من صاد السمينه والردي توه بدا
من يبي فزعت حظوظه تبتدي لايرتدي=من امانيه الثقيله ماتهد وتجهدا
ومن ضرب ضربت حرارن للفرايس تسردي=يستحق المرجله من لايهاب الجردا
الحسافه كلها في واحدن اصبح فدي=كلما جتني علومه قلت يارب تهدا
انتهى قافي ولاني قاصدن به منقدي=لكن المعنى طرالي والقريحه تبجدا

وسلامة من تااابع
بوح وجداني