الصراحة بالمحبه عادي ما فيها زعل

سلام شلونكم ...

لكم وحشه والله ... حبيت ابارك لكم بهالمنتدى الرائع اللي يثبت أن المنتدى يرتقي بأعضاءه وليس بأسمه وعدد زواره

يقولون اللي ماله اول ماله تالي .. وانا كانت بدايتي مع هالمجموعه اللي لهم الفضل بعد الله ببدايتي المتواضعه بعالم القصيد

ياما تمحلوا اسئلتي وياما خلف الكواليس وجهوا وعدلوا وانتقدوا فلهم من القلب الشكر الكثير ... واللي ماله اول ماله تالي

عاد قلت بنزل مشاركه لأول قصيدة لي صوتيه .. وكالعاده لا نستغتني عن انتقاداتكم و توجيهاتكم ...

مدخل /
وحدي وفيت بوقت خاين وكذاب
أدري غبي لكني أنسان وافي !!

تكفى اعلنها صريحه قل [أبيـك] أو [مـا أبيـك] =الصراحـة بالمحبه...[عـادي] مـا فيـهـا زعــل !
أنطـر بلهفـه [ جـوابـك ] كــل مـابـي يحتـريـك =لا [ تعلقني ] .. [ فديتك ] ماني قادر أحتمـل
كل [عرقاً ] بي [ يحبك ] كل مابـي يشتهيـك =مدري حبي لك [ طبيعي] والاعامل لي عمل
والا وش معناهـا انـي [انجـرح منـك واجـيـك]! =وليه أحبك في [ جنون] وأنت قاتلنـي قتـل؟؟
شفني لعيونك حضرت وكل حياتي في يديـك =مدري حسيـت بحضـوري والا كـل هـذا ثقـل !
قلبي اللي [ ملكتـه ] .. رافضـاً هـذي و ذيـك =عمره مـا فكـر بغيـرك.. ولا عـن [ثانـي] سـأل
رافـض الفكـرة [ بتاتـاً ] مـا يسـاوم مّـره فـيـك =أنت متربـع لحالـك ...وان ظهـر [غيـرك] أفـل !
أن جرحته [ يبتسـم لـك ] لـو تبيعـه يشتريـك =هو جنون الحـب هـذا ? أو كـذا سلـوم الغـزل!
الغريبه اني [ اسكت] لو تجي عينـي بعينيـك =المشاعر فـي حضـورك ضاعـت بلحظـة خجـل
ماقدر ينطـق لسانـي ماجمـع [حرفيـن ] بيـك=وانا ياما في [غيابك] قلـت فـي وصفـك جُمـل
ارفــق بقلـبـاً يحـبـك [ بــح ] صوته...يرتـجـيـك =وانتا مو راضـي تبيـن وش أسـوي لـك اجـل ?
لـو تبـي عيونـي حلالـك اشـر [بأصبـع] تجيـك =مهما كان اللي تبيه و مهمـا بسبابـه حصـل !
حط في بالك حبيبي....كلي ما أغلـى عليـك =مهما تجرحني تاكد..... كلهـا عنـدي عسـل !
طـال صمتـك وصمتـي .. قلت[ياويلـي عليـك] =في عيوني لك [كلام] وفي حطامي لـك أمـل
حتـى لـو طـوّل [سكوتـك] انـا صابـر واحتـريـك =مستحيل احب غيرك لـو يسمونـي [ خبـل ]!
تكفـي أعلنهـا صريحـة قل[أبيـك] او[مـا أبيـك] =لا تعلقني [فديتـك] ......مانـي قـادر أحتمـل!!

مخرج/
أحلف وأقول أني مع الوقت ابنساك
و الله يسامحني على حلف كاذب !!