في وسط قلبي سفينه وفي سما حُبك سدَم
تشتهي بحرك وتجري عكس شهوتها الرياح
كن هذا الصبح بالعتمه بليّاك إنردَم
يا صباح الخير من غيرك بلا خير الصباح !
أثر ثلج فراقنا يلسَع وشوقك ما خِدَم
توّي أفهم شنهو تعني لسعة الثلج لفلاح
لا تحارب ما أبيك تعض إبهامك نِدَم
جيت لك قصدي إنت فاهم..شوف ما أحمل سلاح!
الزعل غلطة حبايب قلب من قلب إنصِدَم
والرضى ساكت وعزة نفس تتثاقل سماح!

(احمد الصانع)

بغيت اصارحها ولكن تخـــــوفت
................................. اخاف تجي ردات فعله قويه
كم مرةٍ حاولت لا شك ما افلحت
................................. ابنطق الكلمه وتصعب عليه
لامن بغيت اقول احبك تراجعت
............................... تغص في حلقي وترجع عليه
اخاف ماعنده مثل ما تــــوقعت
.......................... وأخسر سموي في عيون اجوديه

اشوف الناس تضحك وابتسم واضحك وأنا منحاس

واشوف الناس تحكي بي واصـــدد تقل ما اوحيها

مهموم من همه ولاشال هــمي
وعلى كثر ما اشيل همه واداريه

لو شافني قدامه يسيل دمــــي
الله يكثر خيره ان قال وش فـــيه

ليت الجفا زلّة و أدوّر لها دمح
..................................... و ليت الغرام جروح و انسى عددها
و أنا قتيل البرد يا وادي الطلح
........................................ كان المزون أضناك صاخب رعدها