الا ياالله ياللي تحت هيبـة سلطنتـــــك اسلمـت
لك المسلم يسبح لك بحمـدك ولـك الاســـلامـي

احمدك واشكرك واثني عليك بما علـي انعمـت
تزودني وفا قـدر العشيـر ووصـــل الارحامـي

ولجك الفجر ياليل الذهول اللي علـي اضلــمـت
بعرضك واقع الماضي بعيني عـرض الافلامـي

ولهتك يالنديم اللي على صافي وفـاك اضرمـت
بصفحة ذكريات العام واللـي مـن ورا العــامـي

بعد تقرير مشوار التجـارب نجّحـك واجــــزمـت
بان السيف سيفي والعصا والمحـزم احـزامـي

عطتني عزلة اخلاصي معك نسيان من نادمـت
كتبتك وانطوت صحفي عليك و جفـت اقلامـي

اباهـي لا ابالـي واتبيسـط كــل ماقـــــــدمـت
اشـب النـار قـدام العـرب واشيـد اخيـــــــامـي

نهاري حر شمسه يستحي منها لسـان الشمـت
وليلي ترقب نجومـه ملامـة كـل مـن لامـــــــي

على ضو الكلام اللي كشف عنّا ستار الصمـت
عرفت اني تحت برق الامل في روض الاحلامي

احسب انك تيمم با اتجاهـي ويـن مـا يممـــت
واثر ما انت بورايه في الطريق ولانـت قدامـي

مصيبه لاتدنت قيمتك فـي عيـن مـن قيمــــــت
يشوفك بالسهل وانته تشوفه بالسمـا السامـي

كثر ماحن قلبي للونيـس وكثـر مـا درهــمـت
فجر صدري حنيني واتعـب الاقـدام درهـامـي

عيون الصد وعيون التجافي حول مهما اكرمـت
تشـوف المجتهـد كسـلان والبنـاي هـــــدامـي

مدام ان جانبك شام لجنابي وانت عنـي شمـت
كثر خيـرك وانـا مانيـب لاجــــايـع ولاضامـي

اشوف انه علي واجـب ليـا مريتكـــــــم سلمـت
مرور اكرام تربطـه الكرامـه عنـد الاكــــرامـي

على شان الخفوق اللي على عرشه قعدت وقمت
حجب عنك الدجى لين اشرقت لك بيض الايامي

ختام السالفه ياطيب العشـره كرمـت ودمــــت
هذا حقك علي وحق شرهاتـي علـى اوهامـي

مصير الوقت يشرح لك دروسه وان غفلت ونمت
يصحيك الزمان اللي يصحـي كــــل مـن نامـي

تذكرني ليا من خابـت اوهــامـك فمـن وهمـت
وشفت الفرق في حب الخشوم وحـب الاقدامـي


سعد بن جدلان

ياهل المعروف كلٍ شقى باللي لــقــا
والحظيظ اللي من الهم قلبه مستريح


بين لحظات المفارق ولحظات اللــقـــا
تتضح لك صورة الود بالمعنى الصـــريح

/
حزين ..! اي والله اني حزين وخاطري مكسور
........................... لو اضحك وآتظاهر بالسعادة يا بحر جده
*

ما شفت وافي ما نزف قلبه جراح
.... ولا خبرت إنه بكـَت عين قاسي !

يا زمان العجايب وش بقى ما ظهر........ كل ما قلت هانت جد علم جديد!

علي كثر القلوب اللي عاشرنا ماصدق واحــد لي
ياقلبي ابتعد عنهم ترى اللي فينـــي كافينــي

الآ يـآعيـن لا تبڪين عيشي نعمة النسيـآن

خسآرهـ دمعتڪ تنزل على من لآيرآعيهـآ

أكبرخطا تبكي على انسان ناسيك
ويضيق صدرك فيك وتموت حـره

اللى نساك أنساه لو كان يطريـك
واللي يبرك فـي مواصلـك بـره