|
مبروك عرسك ياهوى البال مبروك
السلام عليكم ورحمة الله وبركاته
مبروك عرسك ياهوى البال مبروك ..........................بعدي عساك تذوق طعم السعاده بعــدي عساك تحبهم دام حبـــوك .............................وانا آبشقى بجرح يصعب ضماده اقبلت الاجازه الصيفيه وبدأ الاستعداد لموسم الزواجات وتكلم الكثيرين عن تكاليف الزواج والمهر ونحن في هذا الموضوع لسنا بصدد ذلك بل سنتطرق بنقاشنا الى نقطتين مختلفتين النقطه الاولى : عن العمر المناسب للزواج بالنسبة للبنت وبالنسبة للشاب 0 النقطه الثانيه : عن التكاليف الباهضه في الملابس بالنسبة لاقارب العروسين 0 لقد قرأت في احدى المدونات ان الفتاة مستعده لشراء فستان بمبلغ كبير وكأنها حددت ان زواج الاخ له فستان بسعر غالي وزواج بنت الاخ له فستان بسعر اقل وهكذا كل مابتعدت صلة القرابه قل سعر الفستان البنات عادة لايلبسن الفستان مرتين فكل زواج له فستان خاص به 0 اما الشباب مع الثوب الابيض مافيه مشكله ههههههه اهم شيئ الشماغ يكون آخر بصمه اتمنى ان لانتوسع ونكتفي بمحاورة هاتين النقطتين مع شكري الخالص لتفاعلكم ياليتني ماشفتهم يـــوم زفـــــوك ........................ ولاشفت زولك معه يمشي بركاده شفتك معاه وصحت ياقلب خلوك ........................ ودع حــبيبك زاد عـنــا أبتـعـــــــاده |
صمت
رأي مناسب وفكر ثاقب بالنسبه للعمر انا معك لابد ان يكون قد بلغ العروسين سن التعقل والركاده ههههههههههه اما نجمة الحفل ههههههههههههه هذا اللي مدوخنا اشكرك لحضورك الطيب ياغاليه |
اهلين ابو المجد
خووش موضوووع العمر المنااااسب لزوااج الرجل بالوقت الحاضر اعتقد 30 - 35 اما بالنسبة للبنت فوضعها خااص يعني متى ما طلبها الرجل المناسب توافق بشرط انها تكون خلصت المرحلة الثانوية على الاقل .. اما التكاليف الباهضة لملابس الحريم .. اقرب ما يوصف بالتبذير والاسراف وهدر للنعمة , |
مداخله رائعه يالساكن
بالنسبه للعمر كلامك سليم يالغالي فالبنت لجاها نصيبها توافق دون تحديد لكن الاغلبيه يقولون نبيها تكمل الجامعه اما التكاليف لملابس اقارب العروسين فعلا مبالغ فيها فالعروس معذوره لكن الاقارب المفروض يقنعون بلبس طبيعي غير مكلف اشكرك لحضورك يالغالي |
اقتباس:
ولو انه في بعض الأحيان .. يكون عمره [ 18 او 19 ] ويكون عقله وتحمله للمسؤوليه كأنه بعمر [ 25 او 26 ] أما الشباب / أعتقد أنه اهم شيء يكون عاقل وراكد ,, وتفكيره مآعليه كلآم .. بغض النظر عن العمر [ ياما شفنا شيبان وتفكيرهم تفكير وغدان ] والعكس صحيح بعد العمر / مهم الا انه مهو ركيزه , أو شيء أعتمآدي .. الاهم [ العقل والراكده وتحمل المسؤوليه ] ل الجنسيّن اقتباس:
|
ياهلا ياهلا
بصراحه موضوعك عجبني جدآ وراح اجاوب ع استفساراتك واسئلتك .. النقطه الاولى : عن العمر المناسب للزواج بالنسبة للبنت وبالنسبة للشاب 0 بصراحه عمر البنت اهم شيء يكون من 23 وفوق افضل لان اشوف كل اللي تزوجوآ من اقاربي عمر 18 و19 وموركاده ابدآ واتوقع غير عن اللي عمرهآ اكبر يمكن افضل النقطه الثانيه : عن التكاليف الباهضه في الملابس بالنسبة لاقارب العروسين 0 شوف التكآليف ع حسب بصرآحه مثلآ اذا كان المعرس اخوي هذآ له شيء ثاني غير عن بنات العم وذآ بس انا ادهر في زواج ولد عمي وبنت عمي لانه يعتبر شيء خاصه انه قريب لي واقرب شيء بعد اخوي اما الزوآجآت الثانيه ع حسب الزوىج نفسسه فتفرق عندنآ زواج اخوي وولد عمي عن ولد الجيران او فلانه موضوع رايق مثلك يسعدك ربي |
اوجاع
التعقل والركاده تحكم وليس العمر << كلام سليم ارتفاع التكلفه يخص الرجال والنساء لان فيه مبالغه وتبذير وتفاخر ليس له مبرر نحن يا اخي مجتمع واحد ونطرح المسائل والمشاكل ونحاول وضع الحلول ليستفيد مجتمعنا لما ينعكس علينا جميعا اشكر حضورك وابداء رأيك |
دفنت قلبي
ترى ان العمر له دور في تثبيت العقل لدى الفتاة فكثير من الزواجات انتهت بالطلاق بسبب عدم ادراك الفتاة لحقوق الزوج والعكس ايضا بالنسبة للزوج فبعضهم صغير ولا يتفهم حقوق زوجته اما الملبس فانتم ادرى يامعشر الفتيات ولكن نحن كرجال نرى انه مبالغ فيه اشكر حضورك الطيب يارايقه هههههههههههه |
موضوع مهم ورائع
لي عـــــوده .... |
ننتظر عودتك ياشجرة الارز <<< شرايك ههههههههههه
|
اقتباس:
مممم والله مادري بس البنت في عمر 20 ومافوق .. والشباب متى ماتوظف وصار قادر يتحمل حرمه وعيال , اقتباس:
والله شوف .. هو يكلف يكلف .. بس على حسب .. يعني انا في عرس شخص جدا جدا قريب .. كآن فستآني بـ 300 او 400 مآ اذكر .. واختي اللي اصغر مني كلف فستانها 750 .. !!!! المسأله غير ان الاسعار غاليه ... بس مسأله اختيآر وذوق وقناعه .. فستاني كان حلووو جدا ٌ .. بس لآني فريت وفريت وفريت .. وعندي قناعه اني ابي " حلو ومناسب السعر " انا انسانه مو بخيله بس اقتصاديه وانا مو اللي ادفع ولا هي من جيبي , بس حرآم البس ثوب بـ ثمن وقدره وينلبس مره بس ! , بس هذا ماينكر ان الاسعار غلت . , يعني هذي من وجهه نظري , ولك كآمل الشكر ع الموضوع الرايق , |
شمر
تقريبا من ناحية العمر متفقين اغلب الردود ترشح الزواج من عشرين فما فوق للبنت والولد يكون مقتدر وعاقل اما اللبس فاعتقد انك واقعيه وهذا هو المطلوب الف شكر لردك الراقي |
اتوقع الزوااج مااله سن معييين اهم شي يكوون الرجاال موظف ويصرف ع نفسه وع بيته
سواااء الزوجه بالطعش او العشرين ياااخووي احنا بالنسبه لنا زواج الاخ او ابن الاخ يختلف عن زوااج الاخت او بنت الاخ يعني السنه اللي طاافت عرس اخووي تكاااليف ووجع رااس لها اول ونهاايتهاا اول ماايقلطوون ع العشاا بعرس اخوي الفساتييين بتكون اغلى والقااعه احسن شي والبوفيه والاستقبال والتوزيعاات والحلوياات والموااالح والشاي والقهوه والطاولاات اما عرس البنت او بنت الاخ بتكوون التكلف اقل لان مااعليناا الافساااتيييناا بس والبااقي ع اهل المعرس بعرس اخوي فستااني 3500 بعرس بنت اخووي اكيييد بيكوون اقل لو تبي مقاارنه بعد اتس اووكي :067: |
دلوعة الشرقيه
العمر مو مشكله نتفق ان الادراك وتحمل المسئوليه كفيلان بتلبية الشروط لكن لما التكلفه في فستان تبلغ قيمته 3500 ريال ويلبس لمره واحده او مرتين ماعندك حل لهالمشكله ههههههههه |
الحل بيد التجاار
اللي يرفعوون الاسعاااار واحنا مضطرين نشتري ماقداامك الا تشتري وانت تضحك غصب عنك لو قلنا بنفصل بتطلع التكلفه عليك اكثر والايجاار مستحيييييل البس فستاااان قد لبسه احد غيري ماالك الا تدفع تدفع والله اني مااقلت السعر مفااخره لانه اردى شي عندنا وفيه اغلى واحلى بس ماالي حيله سوق الشرقيه+النصب =ناار مولعه وانت اذا عندك حل قلي او عندك محل كويس ورخيييص <<بالشرقيه طبعاا |
وعليكم الســلآم والرحمـــه ~
النقطه الاولى : عن العمر المناسب للزواج بالنسبة للبنت وبالنسبة للشاب 0 عـ حسب اذ كان فيه خطبــه من الصغر فأحسن التعجيل بالزوآآج وعمــر ما كان العمــر غايه بالزوآآج خصوصا البناتـ لانو في قاعدهـ عندي انو البنت كل مــآتكبر وتاخر عـ الزوآآج كل ماتنهبل والعكس الولد كل مايكبر وتاخر عن الزوآآج يعقــل أكثــر ., و يابنتـ انتظري الاييزبيل يتوضف ويجمع .,, النقطه الثانيه : عن التكاليف الباهضه في الملابس بالنسبة لاقارب العروسين 0 مد رجولك عـ قد الحافكـ اذ المادهـ تسمــح انا ايد وبشدهـ اذ البنت مادللت نفسهــآ والبست احسن شي خصوصا بمناسبه مثل كذآ متى بتلبس الحيــن ارخص مصمم ياخذ الف عـ تصميم الفستــآن عاد كيف سعرهـ واذ الظروف ماتسمح موب ضروري تلبس شيء غالي والله يعينكـ عـ نورهـ *_^ جهز حالك من الحين |
دلوعه الحل بيديكم انتم يالبنات
لاتكشخون الا لصرتو عرايس اما بزواجات الاقارب البسو لبس عادي هذا الحل اللي عندي هههههههههههههههه |
اقتباس:
النقطه الثانيه اعتقد حتى لو الماديه متوفره المفروض يكون فيه تعقل وعدم تفاخر باللبس نونه توها باقي وقت يمكن يتغير الوضع وتصير الزواجات عائليه وبسيطه |
اول شـيءء عآفـآك يآ أ/ مـآجـد بآلنسبه للنقطـه الآولـى اشوف ان السن المنآسب لزوآج البنـت 20 وفوق , إمـآ الولـد متـى مآشآف نفسه مقتدر على فتح بيـت ومسؤؤليـه , النقطه الثآنيـه , إذآ كـآن زوآج ااخوي , ااكـيد بجيب غـير اللي اشتريه للزوآجـآت الثآنيه , لأنـه اخوي , بس مااشطح بآلسسعر ماادفـع اكثر من 1000 اومـآ الزوآجـآت الثآنيه يمكن اقصى سعر اشتري به فستآن 500 او 600 لآنه ماينلبسس الآ مره وحـده , بس تدري الحين مآفيه خسـآره يعني اشتري فستآن , واذآ لبسسته مره وحده وخلصت منه , غسلته وبعتـه في المشآغـل بسعرر كويس , |
الجادل
اهلا بحضورك بالنسبه للنقطه الاولى تمام التمام النقطه الثانيه كلام قريب من المنطق في مبلغ الشراء اما بيع الفستان او التصدق به لهو المنطق باكمله اشكرك |
مرحبا :)
موضوعك جدا جميل اخوي ماجد بالنسبه للعمر الرجل من وجة نظري 30 ... اما البنت 24 وبالنسبه للتكاليف .. مومهم لأن التوفيييييق اهم من كل شي اهم من لبس وحط وغيرها من اشياء ثانيه ..:025: :027: |
سلآم =)
يعطيك العافيه ابوي ماجد عالموضوع الحلو :027: واول شي بالنسبة للعمر للشاب يكون عمره من فوق الـ 30 والبنت من 22 ومافوق =) وبالنسبه للملابس انا عندي كل المناسبات مثل بعض اهتم بكل شي ومو مهم تكون التكلفه كبيره لانه ماراح بنلبس غير مره فآ حرام :025: ربي يسعدك = ) :067: |
صمتي هدوء وشجون الليل
اراء متقاربه وحكيمه اجابات عقلانيه ومتفهمه الف شكر للحضور الجميل الذي اسعدني واثرى موضوعي دمتن سعيدات |
والله العمر اتوقع مايخضع لسن معينه
يعني حسب ظرووف كل انسان لكن تكاليف اللبس هذي مشكلة المشاكل ياخي الحريم عليهم ذاااكره قووويه خخخخخخخخخخخخخخخخ انا مدري كيف يحفظون اشكال الفساتين كشششششش عيون الوحده جايه تنبسط وتبارك والا جايه ترصد لبس فلانه وفلانه والمصيبه الأكبر اذا كانت البنت حريصه وماتكرر الفستان بكل فرح , قالووووو مبذره ومغروره واستلموها حشششششششش وتقطيع كنا شاحدتهم فلوس فساتينها وان كان لبسها عادي قالووو قعيطيه وبخيله وماعندها ذوووووق وان عافت الشغله كلها وماحضرت الفرح قالوووو ماتبي النااااس هذي معقده خخخخخخخخخخخخخ ياخي لما تسمع سوالف الحريم عن الزوجات والانتقادات الغبيه تقول الله يعينهم ....... ماجد وش رايك بسالفة الفلان ماحطو حلا بزواج ولدهم , والا يقولون ذبحنا الجووع ماذقنا شي خخخخخخخخخخخخخخخخخخ كشششششششش عيون يابعض الحريم كششششش كشششششش كششششش |
هههههههههههههههههههههههههههههههههههههههه
والله جبتها ياصديقي فعلا مرضي الناس كايد والمشكله مثل ماذكرت مانت سالم من الحش ههههههههههه لكن انا اعتقد الوسطيه في كل شيئ مريحه ومن الحلول لمسألة اللبس ان يكون الفستان بقيمه مناسبه ان يلبس الفستان في اكثر من محفل بيع الفستان او التصدق به او اعارته لصديقه لتستفيد منه او تقطعه وتخيط منه بيزه وفوط للتمسيح هههههههههه < امزح |
النقطه الاولى : عن العمر المناسب للزواج بالنسبة للبنت وبالنسبة للشاب 0
بْ النسسبه للشــآآآبْ من 25 فمآ فوقْ .. <~ عاد من اللي يقنعهمـ ههه والبنـت كذلك مع اني اشوف كثيـرر يزوجونهمـ 18 و 19 بس مـ أشجع لانها مش مهيئه لمسؤؤليـة وبيت وعيـآل :007: وكل شي رآجع لتفكيرهمـ وعقليتهمـ لأن ماشاء الله فيه بنات اعمارهم 16 بس كنهآ 30 على عقلها وتفكيرها النقطه الثانيه : عن التكاليف الباهضه في الملابس بالنسبة لاقارب العروسين 0 عآديْ .. ماعندي اعترآض على هالنقطه .. عوافي :027: |
اهلين يارا
شرفتي وانرتي ياخيه وارائك واقتراحاتك واقعيه وفي محلها الف شكر ايتها العزيزه لحضورك الكريم |
| الساعة الآن 09:33 PM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
mamnoa 4.0 by DAHOM