( ما نيب ناقص هم )
 

السلام عليكم يا حلوين

مساء الشعر والمشاعر


هالقصيده حصريه على هالمنتدى


عطوني رايكم فديتكم


تفضلوووو :

.
.


أنا ما جيت لك ميّت بحبك .. أو مولع فيك
أنا جيتك ـــ معي جرحي ــــ .. ومتأمل تداويني
//
لقيتك مثلي بجرحك .. وجلباب الشقاء كاسيك
رحمتك .. لكن أنتي من عذابك ما رحمتيني
//
ومع الأيام حبيتك .. وبعت الغير لأجل اشريك
كثير اللي تمناني .. وكثير اللي يحاتيني
//
تواصلنا .. وكنت أحزن إذا في يوم مالاقيك
على النت .. وكثير أفرح إذا جيتي : تمسيني
//
أحس الكون يضحك لي سعاده .. وأحتفل له بيك
أجي كلي .. ويصدمني عناد ٍ فيك .. مشقيني
//
غريبه كنتي .. وكانت حروفك كلها تشكيك
ولا أدري هو كذا طبعك ، أو إنك ما فهمتيني
//
وقمت أهرب .. أو أتهرب ، أبيك .. ومرة ٍما أبيك
وأسوي نفسي ـــ ما شفتك ـــ وما كنك بتعنيني
//
وضاق الصدر ، والقلب الشقاوي صار بين ايديك
كما لعبة طفل .. يشبه لذاك اللي سكن فيني
//
تعلمت القسى منّك .. وعزّمت أبتعد ، وأرميك
على لوحة أساي .. وتجرَحَك وحشة تلاويني
//
وصرتي تكتبي .. واكتب .. ونتواصل على التوبيك
هجرتك .. مثلي ما انتي بأصعب أوقاتي هجرتيني
//
ومرّ الوقت .. وجمّعنا مساء ٍ يشبه لعينيك
وساقت ذكريات الأمس دمع الشوق من عيني
//
بكيت بصمت .. وما أدري أنا أبكي منك ، وإلا ابكيك
وجاملتك .. وأنا آفكر : وش اللي بينك و بيني
//
إذا إعجاب .. فإعجابك وصل ، لا تشغليني فيك
أنا ما نيب ناقص هم .. ما فيني مكفيني
//
وإذا هو لعب .. فأخلاقي بتمنع إني .. آجاريك
بدرب الغي .. و لماضي شبابي لا ترديني
//
وإذا هو حب .. فالواقع يقول : إني كثير أغليك
ولكن ـــ يعلم الله ـــ ما طلبت إنك ( تحبيني )
//
عليك أدعي ، أو أدعي لك .. أو أدعي ربنا يهديك
أو أدعي خالقي : ينزع غرامك من شراييني
//
وآروح ابعيد .. وآخلي عذابك ، قبل ما آخليك
نسيتك .. أو سنين الصد والوحده تنسيني
.
.

فهد

اسطوره يافهد
تجسد حكايه
و
تلتمس العذر من الذات بنزف الابيات
رااائع يابو فيصل
صح لسانك ويسلم احساسك وراسك

:018:

رااائعه راائعه راائعه



فهد راائعه علقت معي هالكلمه

مقدر اقول غيرهاا

من كثر الاحسااس الصادق الي فيهااا


لا تحرمنااا

صح لسانك خييو وعلا شاانك

ابيات بمنتهى الرووعه والعذوبه

لاعدمنا هالتميز

//
وإذا هو حب .. فالواقع يقول : إني كثير أغليك
ولكن ـــ يعلم الله ـــ ما طلبت إنك ( تحبيني )
//
عليك أدعي ، أو أدعي لك .. أو أدعي ربنا يهديك
أو أدعي خالقي : ينزع غرامك من شراييني
//
وآروح ابعيد .. وآخلي عذابك ، قبل ما آخليك
نسيتك .. أو سنين الصد والوحده تنسيني



ألييييييييييييمه

وآلله إني إمتلأت شِعر بـِ هذا النص الجمييييل
من أول نقطه حتى الأخيره و الجمآل و العذوبه حآضرين
صحّ إحسآسك و لسآنك ملآآآآآييين ..

أبدعت ..

عليك أدعي ، أو أدعي لك .. أو أدعي ربنا يهديك
أو أدعي خالقي : ينزع غرامك من شراييني


ياويل قلبي عليك بس يا خطنطير

يازين قصايدك يا المروح

وهـ يازين شخفتك ياملعون الرقبه

صح لسانك

توسد خشمي

صح لسانك يابو فيصل

يافهد انت تكتب الابداع باحساس جميل

اعجبتني كلها من مدخلها اللى مخرجها

اعجبني جرسها الموسيقى


تحياتي لك يابو فيصل

صح لسانك مليييييييييييييون مره

:)

صح لسانك يابو فيصل

احاسيس متدفقه من هذه الفاخرة

عذب يافهد .. لا عدمنا هذا الهتان

دمت كما أنت بكل ما تحمله من نقاء

مودتيـ

وإذا هو حب .. فالواقع يقول : إني كثير أغليك
ولكن ـــ يعلم الله ـــ ما طلبت إنك ( تحبيني )
//
عليك أدعي ، أو أدعي لك .. أو أدعي ربنا يهديك
أو أدعي خالقي : ينزع غرامك من شراييني


خطيره قسم يا استاذنا
نص فاخر جداً لأهنيك متابع

ويسلم راسك يا تحلا حياتي


لا هنتي والله يسعدك :014:

وصرتي تكتبي .. واكتب .. ونتواصل على التوبيك
هجرتك .. مثلي ما انتي بأصعب أوقاتي هجرتيني