انا بدين وباقي الناس في دين=وكل بدينه يا عرب صار مفتون
القلب في نار المحبة له اسنين=مخفيه كله خشية الناس بدرون
مسكين انا من لوعة الحب مسكين=بيحت انا ماكان للناس مكنون
البارحة ما طبق النوم بالعين=سبة غزال صار للقلب شاطون
عمرة على كيف الشباب المحبين=سبع وثمان مع اثنين يزيدون
لا شفت زوله فز قلبي على الحين=او هز عرشه تقل داخله مجنون
يامن يلوم اللي معذب من اسنين=ياعل من لامه يجيه الف طاعون
ترف الحشا علمي بهم يوم الاثنين=يوم انهم من عند بابي يمرون
يوم ان قلبي فيه تسعة وتسعين=هجس وهاجوس ولاعن وملعون
انا اتمنى شوفكم لو بعد حين=يانور عيني يابعد كل مزيون
انت الذي حيرتني عن المزايين=ماشوف غيرك يابعد كل مزيون
ياللي سلبت الحال ياداعج العين=ما ترحم اللي با الهوى صار مفتون