نام الغرام !!
السلام عليكم ورحمة الله
نام الغرام اخوكم / ماجد العبدالله الشمري
نام الغرام وخافقي مابعـد نام=لازال ينبض والمــواجع اليمه لاعاده الله يوم من ذيك الايام=يوم الفراق وصدتي له جريمه جاني يبي وصلي ولا قلت قدام=انا تركت الحب خوف وحشيمه خايف عليه ان غبت وابطيت ينظام=خايف مع الأيام يلقى ظليمه خايف من الهاجوس وشكوك واوهام=خايف عليها تستمع للنميمه والغيره اللي تشتعل تضرم اضرام=خايف تولع بالقلوب الكريمه طير الهوى القتال في لجتي حام=وانا منعته لايصيد الغنيمه ادلى على القلب المعلق من العام=شاله معه بكفوفه المستقيمه حكم علي تعزير واوصى بالاعدام=حط السلاسل باليدين السليمه قال امتثل للحب واخضع للاحكام=واحذر تفاكير الهروب العقيمه ودخلت في سجن الهوى مرغم ارغام=مأسور قلبي والعلاقه حميمه بسباب زين الزين هالقلب ماصام=افطر على حسن الفتاة الحليمه بذره نمت في نجد من قطفة الشام= طالع ثمرها جنةٍ مستديمه لاشك انا حبيت والحب مادام=واصبح كلام الحب دقه قديمه وسلامتكم |
الساعة الآن 04:54 AM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
mamnoa 4.0 by DAHOM