المسامير
من القصائد القديمة
البارحة عيني تقل به مسامير=عيت عن المرقاد يا بومنيرة ساهر الين الصبح جاله تباشير=يامل عين طول ليله سهيرة قلبي كفخ من سبته كنه الطير=وروحي من الفرقا عليها حسيرة ساهر وانا عيني تهل المعابير=ودموع عيني فوق خدي نثيرة يا ونتي ونت حبيس المقاصير=منها ضلوعي يا محمد كسيرة على غضيض غض ابو خصر وصدير=فيه النهود وتوها مستديرة ياحسرتي خدة كما بارق اعصير=من مزنة غرا نشت بالجزيرة والعين عين الحر حر من الطير=شاف الحباري نزلت بالجريرة اسمة بحرف الخا خير على خير=سميها بين المكاتب مصيرة لولا الحيا والعيب وادرى المعايير=لاصيح عال الصوت يا ناس خيرة ياناس خلوني على دربي اسير=درب تبين لي ولا فيه خيرة لو ان خلي بعدته المناعير=لانصاه لو دونه بحو ركثيرة لاشك خلي باعني يا هل الخير=مدري علام الترف ضيع وزيرة يحول يا قلب سبوقه مقاصير=ماله مع اهل الحب والود سيرة يفدا وليف الروح كل الغنادير=وسكان نجد والحسا مع عسيرة ويفداه من يسكن هذيك المقاصير=ومن الحفر الى خميس الجزيرة ويفداه من واد الدواسر اليا سدير=ويفداه من يلبس هدوم قصيرة تفدا وليف الروح زين التصاوير=الا الذي عيني عليهم قريرة وســــــلامتكم |
الساعة الآن 11:01 AM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
mamnoa 4.0 by DAHOM