اللي على طيب المكارم تربا=لايمكن انه للردايا يطيعي
حتى ولو عاصوف وقته يهبا=يبصر بعقلٍ مايتوه ويضيعي
عند اللوازم حاضرٍ ماتخبا=ماهو من اللي قال مااستطيعي
كيفه وفا من طيب طبعه يصبا=تسوقه اليمنى وعلمه يشيعي
ماهو من اللي ينحشي ويتعبا=رجلٍ يميز بين صدق وصنيعي
شامخ عن الأوغاد لوجاه سبا=صادق بقوله مانطق بالوضيعي
رجلٍ يحب الناس لازم يحبا=المحترم للناس .. حبه طبيعي
اقولها للي لحقده يشبا=تموت في نارك وقدري رفيعي
كانك من اللي يدعي ويتنبا=بضاعتك ماتشترى لو تبيعي
من يكذب الكذبه يطيح بمطبا=والمنكشف من وين يلقا شفيعي
تباً لصناع التلافيق تبا=هذي حصاني مير حصني منيعي
لكن ليا زادت فبالكي طبا=الميسم الحامي علاجٍ سريعي