ريشة قلم فوق الورق تنتظرني=وده تفسرني بشعرٍ كتمته
حبره من عروقي نزيفه غمرني=حتى طفح شعري وغنيت صمته
ياريشة احساسي فضولك حصرني=على هوامش قصةٍ ماحسمته
كوني معي واستعطفي من هجرني=مابي سوى تبرير جرحٍ غنمته
يدري بأنه في غلاته اسرني=يدري بعد اني على الدوم همته
يدري بقلبي يوم حبه قبرني=تهزمني اشواقي وانا ماهزمته
يدري ولايدري بأنه كسرني=هذي تباريري وانا ماعصمته
ياريشتي وان كان حبه جبرني=فالمشكله ضيم التجافي سئمته
ياريشة الملتاع محدٍ عذرني=اتعذر لخلي وظني لجمته
مايقهر الخافق رحيلٍ جمرني=بس القهر ويش السبب؟ ماعلمته
ياريشتي طيفه اكيد يخبرني=والمشكله لو قال اني ظلمته
يصيح صمتي والغلا يحتضرني=محكوم نفيي والغلا ماندمته
ياريشتي اسف خفوقي نهرني=يقول كافي.. والحقيقه رحمته
لذا.. وجوباً ياشعورٍ زفرني=اسف اذا بوح المشاعر لطمته
ياريشتي شكراً لحبرٍ نبرني=مبحوح صمتي من وريدك رسمته