والله انك حبيب وغايتي بالهوى=مير الاقدار تلعب يالغضي دورها
كلما جيت ابدله واحتزم للنوى=شفتها في منامي كامل طورها
ثم روحي تزايد في جحيم الهوى=وترجع الروح مني قابل شورها
آه من سهم حبك في ضميري هوى=مثل بيض الهنادي زادت حرورها
المحبة صعيبه ماذكر له دوى=ما يداوي جروحي غير دكتورها
المحبة دواها صعب يااهل الهوى=وين تلقى المداوي بغبة بحورها
ليت منهو معاها في مكان سوى=في محل طفا الحساد به نورها
ليت منهو على خله بليل ضوى=ما علم به سوى اللي خالق نورها
ليت منهو بيوم من حبيبه روى=حيث جرح بكبدة زاد به فورها