16-06-2011, 02:00 PM
|
#1
|
عبدالرحمن
بيانات اضافيه [
+
]
|
رقم العضوية : 2
|
تاريخ التسجيل : Apr 2011
|
المشاركات :
982 [
+
] |
التقييم : 11
|
الدولهـ
|
الجنس ~
|
|
لوني المفضل : Chocolate
|
شكراً: 345
تم شكره 674 مرة في 282 مشاركة
|
لنفترض
لنفترض
لنفترض !! ان الهوى .. ماعرفناه=وان السهر ..ماله ضيوفٍ .. تعنّا
وان العذارى .. مابيومٍ .. عشقناه=وان الجروح .. اوهام .. ماينزفنّا
وان الطيوف.. اكذوبةٍ .. ماقبلناه=نسخر .. من اللي قال.. ياوينهنّا
وان العهود الصادقه.. ماحفظناه=لكن .. نغنيها .. طرب .. ونتغنّا
وان الوفا والتضحيه .. مالقيناه=نقول : ماهي بالبشر .. كود .. جنّا
وان التلاقي .. بين الأرواح .. معناه=اشاعةٍ .. ضد الحقيقه .. تشنّا
وان السنين الماضيه .. مافقدناه=ولا نسوق الوجد .. لأيام ..كنّا
وان المحاني .. ماشكت ضيمها .. آه=والروح ماتلتاع.. مهما .. تكنّا
وان الفرح .. معناه .. محدود بشفاه=لو يلمس الخفاق .. محدن .. تهنّا
وان الحبيبه .. وابعد الناس .. اشباه=لاكره .. لاحبٍ .. ولو يعشقننّا
وان الحزن .. عادي.. يصيبك وتقواه=ولاتقول .. ان الليالي .. وطنّا
وان الجفا .. ننسابه .. اللي هويناه=ولا يعذبنا .. جفاه .. ونونّا
وان البشر .. ماهمنا كثرت .. اخطاه=ونفوسنا .. ماتنشحن او .. تجنّا
وان الأمل .. عايش .. وحنا قتلناه=من باب انّا .. مانحب .. نتمنّا
وان ابتسامات .. النصيب .. وعطاياه=مجرد اشيا .. ماتحرك .. بدنّا
وان الدموع الطاهر ه .. لا نثرناه=يغرق .. ذهول الصمت .. ولا غرقنّا
وان العنا .. يزهق بنا .. يوم عشناه=ويدور المخراج .. ويصد .. عنّا
وان الظروف القاهره .. من مزاياه=تقفي .. قبل تاصل .. ولاتمتحنّا
كل افتراضات الحياه .. وخباياه=من عاشها ..مقلوب .. لازم يجنّا
لكن مشاعرنا .. نقوشٍ .. نحتناه=بين الضلوع .. وترجمانه ..لسنّا
قلبٍ .. بدون شعور .. ميت ونحياه=لكن .. حياة الروح .. بشعور منّا
تعكس مشاعرنا .. من الروح .. ماجاه=على ملامح نبضنا ... يوصفنّا
بعض المشاعر .. تمتثل .. لاومرناه=مير البلا .. باللي .. سطن واحرقنّا
حتى قصيدي .. لانزف .. ماتحداه=نبض المشاعر .. للقوافي .. يسنّا
تمت !! ونزفي لاوقف .. ماتعداه=راضي بحرفي .. والمعاني ..رضنّا
وسلامة من تااابع
بوح وجداني
|
|
|