الموضوع: اكشن
عرض مشاركة واحدة
قديم 16-03-2012, 07:18 PM   #1
بوح وجداني
عبدالرحمن


الصورة الرمزية بوح وجداني
بوح وجداني غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  Apr 2011
 المشاركات : 982 [ + ]
 التقييم :  11
 الدولهـ
Saudi Arabia
 الجنس ~
Male
لوني المفضل : Chocolate
شكراً: 345
تم شكره 674 مرة في 282 مشاركة
افتراضي اكشن



...
امس العصر خطوات رجلي عجوله=تسوقني والراس مستسلم ٍ له
قدامي (المجهول) واطرد فلوله=واللي يلاحقني (زمن ) ماضي ٍ له
ذي رحلة ايامي غريب ٍ ميوله=اركض لها ويشدني برقع ٍ له
يشقى بها راسي ويعلن ذهوله=والقلب يتحرى تجي غمزة ٍ له
ضاعت سنيني بين عرضه وطوله=كني غريب ٍ مالقى موطن ٍ له
امشي على ظهره ولاني بحوله=هي الرحول اللي عصت راعي ٍ له
الاوله حبي معه كيف اقوله=تلعب معي والعب معه /جايز ٍ له
والحين راحت للأسف ما اطوله=لكن ملامح وجهها فاطن ٍ له
والثانيه بين الصعب والسهوله=ضحوكة ٍ والموت في كشرة ٍ له
والثالثه مالي اثر في سهوله=كان العمر ساعد فأنا واصل ٍ له
والرابعه مثل النجم في نزوله=سماه عافت والوطا حفرة ٍ له
ياعمري اللي راح وين الطفوله=ياليتني قبله على وجنة ٍ له
ياارذل ايام العمر ياكهوله=لاضاع فكري/ فالعمر عايف ٍ له
باكر ليادق الخرف في طبوله=اصير اضحوكة بشر واكشن ٍ له
واليا صحى فكري ذكرت المقوله=يبكي بكى طفل ٍ على فطمة ٍ له

وسلامة من تااابع
بوح وجداني


 
 توقيع : بوح وجداني
نقرتين لعرض الصورة في صفحة مستقلة


رد مع اقتباس