خدعة الاعذار

خدعة الاعذار

في عالم الأضداد .. محدن سمعنا=الا حروفٍ .. ماقطفنا .. ثماره
يمكن مع الوجدان ... نلقا سنعنا=ونكافح الاوهام .. رغم انتشاره
للمفترض .. لامن وصلنا رجعنا=للواقع المكروه فينا ... شعاره
نلوم واقعنا .. ليامن صفعنا=ولا نحاسب نفسنا !! يااااا خساره
ياكم !! لبذرات الاماني .. زرعنا=وياكم !! سقاها دمعنا .. بانهماره
والمشكله .. ياماااا للاحلام .. طعنا=الين .. عدانا العمر .. في قطاره
هذي حقيقه .. والدلايل .. جزعنا=وصدورنا .. متوالياتٍ .. عباره
مدري !! تعودنا .. نضخم وجعنا=والا وجعنا شيخ .. واجب وقاره
يالواقع المفروض .. تهنا .. وضعنا=نبي السعاده .. ويخنقنا .. غباره
يالواقع المفروض .. فيك انفجعنا=تسعى .. لتشتيت الفرح .. عن مساره
يالواقع المفروض .. منّك شبعنا=اعذارنا .. ملت .. وطال انتظاره
يالواقع المفروض .. محدن خدعنا=حنا نحب الانخداع .. بجساره
يالواقع المفروض .. والله قنعنا=ان الخطا منا .. شراره .. وناره
(عرق التفاؤل) منقطع .. من طمعنا=نحب نملك .. كل شي بعباره
عبارةٍ .. مافي سواها .. برعنا=لامن قهرنا .. حظنا .. بانثباره
عبارة ( الليت وعسى ) لاوقعنا=وكفوفنا .. تصفق يمينه .. يساره
حتى انا .. والقاف يومن فزعنا=نقولها .. رغم الالم .. والمراره
(ياليتنا) .. لامن صحينا .. شرعنا=بمحارب احزانٍ .. كوتنا .. بناره
ياخدعة الاعذار ..بعناك .. بعنا=(والواقع المنبوذ) !! حنا .. دماره
طاب المقال .. وكان للشعر معنا=بين (الحقيقه والخيال) .. انحصاره
من شاعرٍ ماقال .. من يتبعنا=هذي قناعه .. والبشر .. باختياره
ابختم .. القيفان .. يامستمعنا=بارقى تحية كيف .. زايد بهاره

وسلامة من تااابع
بوح وجداني