صغيور

صغيور

يا ناعس الطرف يا صغيور=لو تجرح القلب ما ملك
القلب في حبكم مامور=آم ر تراني مطيعن لك
يشوقني في لباك النور=اللي سطع من جبينن لك
وخدود فيها حمار ازهور=ياليت منهو قطفهن لك
وعيون تشبه عيون الحور=امكحلة ليتي اكحل لك
ومبيسم حشوته بلور=طعم العسل في شفاتن لك
من ذاق طعم العسل مخمور=خمر طبيعي بريقن لك
والصدر متقدم مزبور=سفرجل الشام يذعن لك
والخصر مربوط فيه اقصور=ربط الستاير يشادن لك
اليا لبست احمر مزرور=يشكي من الضيق ثوبن لك
واليا تركت الشعر منثور=ليل على حد كعبن لك
واليا تعطرت فاح اعطور=من شمها زاد شوقن لك
ما بين لحيك وجش الزور=احمر خذا من بياضن لك
والعنق عنق المها المذيور=اربع مع اربع بسطهن لك
والعود موز على الخابور=يسقية جدول تحت ضلك
وردوف متوخرة بهصور=من الضيم يازين يشكن لك
لا اقبلت هللت وش ذا النور=ولا ادبرت انا اصيح تبن لك
على الهوى تفرضون الشور=تامر وتنهاه عبدن لك
وحنا الهوى عندنا دكتور=يداوى ويجرح بامرن لك
يا قبلة المقصد المذكور=جوارح القلب يدعن لك
كم واحدن بالهوى مسحور=وانا اشتكي منك سحرن لك
كل بطبعة يجي مسرور=والسحر يازين طبعن لك
ياتايه بالهوى مغرور=ارحم صويب تذلل لك
قلبه بصدرة تقل دافور=خفاق من زينك ودلك
مجروح ياسيدي ممرور=مقهور ما عاد ياصل لك
راع الهوى خاطره مكسور=ليتك شملته بعفون لك
مسموح تلعب وانا مكدور=العب عسى الله يسهل لك

وســــــلامتكم